Con testemuños humanos de todas as razas e condicións que van desde o máis estarrecedor ó máis tenro. E con impresionantes imaxes gravadas con drones que nos fan reflexionar sobre o sentido da vida do ser humano desde o máis profundo de calquera recuncho do noso planeta.
A MARALEIXA (Blog persoal de Salo Eu sobre recursos educativos, lingua e literatura galegas.)
luns, 16 de decembro de 2019
domingo, 15 de decembro de 2019
Nova antoloxía da música galega contemporánea
Rock, pop, folk, rap, metal, trap, cadeleo, ska, trad, electrónica... 230 temas musicais do trinque e dos últimos anos en galego.
https://open.spotify.com/playlist/4IpTHAJz0ZIomYjIOviWWL
Colectivo Galeguiza-T (Equipo de Normalización LIngüística do IES Neira Vilas).
Cine en galego: "Arima" e "Longa noite"
Dúas películas rodadas en lingua galega abren e pechan o NOVOS CINEMAS 04 deste ano en Pontevedra, haberá que ir pensando que "O que arde" abriu camiños que nos poden levar a termos unha presenza máis ampla nas salas de cine.
mércores, 4 de decembro de 2019
"Saúde e Terra, Irmá(n)s!"
As Irmandades da Fala from Portal das Palabras on Vimeo.
Vídeo da exposición "Saúde e Terra, Irmá(n)s!", programada no 2016 para conmemorar o centenario da fundación das Irmandades da Fala
luns, 2 de decembro de 2019
AS TANXUGUEIRAS: "Que non mo neguen"
AS TANXUGUEIRAS, gañadoras este ano dos ARI[T]MAR, Premios da MÚSICA e da POESÍA galego-portuguesa 2019 coa súa canción; "Que non mo neguen".
xoves, 28 de novembro de 2019
"Ondas do mar de Vigo" na voz de AMARAL.
É un agasallo para min que AMARAL, un dos meus grupos fetiche, musique a cantiga "Ondas do mar de Vigo". Espero que tamén o sexa para vós.
Como soan as ONDAS DO MAR DE VIGO coa música do medievo.
Como soan as ONDAS DO MAR DE VIGO coa música do medievo.
mércores, 27 de novembro de 2019
luns, 25 de novembro de 2019
Normalizar o uso da lingua galega é isto.
A cantante Sabela Ramil dános argumentos de sobra para loitar contra o prexuízo de que "o galego só o falan os nacionalistas ou bloqueiros", un dos moitos novos prexuízos cos que convive a nosa lingua a día de hoxe.
xoves, 21 de novembro de 2019
A que nos soa este discurso?
De q me soa isto? 🤔— rocio castro (@rociocastrot) November 19, 2019
“Estoy orgullosa de ser una mujer indígena, aunque me apena no haber tenido derecho a aprender mis lenguas. ***Mis padres creyeron que era la mejor manera de protegerme de la discriminación***”https://t.co/kJoumoIRhC
Este é un anaco do discurso de Yalitza Aparicio, a mexicana nominada ó Óscar pola súa interpretación na película Roma de Alfonso Cuarón, pronunciado na sede cultural das Nacións Unidas.
"Na miña comunidade esas linguas perdéronse porque se consideraba que falalas te convertía nunha persoa menos capaz". Está a referirse ás linguas mixtecas, unhas das 67 linguas de México.
domingo, 17 de novembro de 2019
mércores, 13 de novembro de 2019
Premio para: "Eles gobernan, elas aman"
Comunicar en igualdade vén de premiar esta reportaxe de Uxía Castro Martínez co título de "Eles gobernan, elas aman"
martes, 12 de novembro de 2019
"Na universidade en galego, sen prexuízos"
CALENDARIO PARA ANALIZAR DISTINTOS PREXUÍZOS LINGÜÍSTICOS.
"ANTIprexuízos lingüísticos"
Por moito que as profes esteamos aí dicindo que non pasa nada por falar galego, que hoxe en día non é coma antes, podes ser monolingüe as vintecatro horas sen problemas, a pouco que nos paramos a explicar isto, xa lles poñemos ó alumnado exemplos dos que nos acontecen a nós, que son pequenas pedriñas que aínda nos atopamos no camiño cara á normalización. Por iso é importante escoitalos a eles, a eses alumnos galegofalantes, que andan a pulular polas nosas aulas, ás veces con menos éxito na materia do que nos gustaría ás profes, porque a eles o do estándar sempre lles vai custar un pouquiño máis ca ós demais, posto que eles xa o traen un galego de serie. De aí que este vídeo do meu alumno de 2º bacharelato, Roberto Trigo, é unha pequena homenaxe para tod@s el@s por resistir esa presión lingüística, algo que non é doado para ninguén e, por suposto, éo menos para un adolescente que está na súa etapa de formación e anda a buscar o seu lugar no mudo.
Parabéns para todos e cada un dos que pasaron polas miñas aulas!
mércores, 23 de outubro de 2019
martes, 15 de outubro de 2019
xoves, 10 de outubro de 2019
martes, 8 de outubro de 2019
Pregunta a un científico a través de PRENSA ESCOLA
A través do programa PRENSA ESCOLA podes participar na actividade PREGUNTA A UN CIENTÍFICO
Ademais, de cada unha das 10 preguntas seleccionadas para publicarse ó longo do curso faranse vídeos dos que podes ser protagonista.
domingo, 6 de outubro de 2019
mércores, 2 de outubro de 2019
luns, 30 de setembro de 2019
A comunicación e a linguaxe.
A comunicación e a linguaxe no blog HAS DE CANTAR!
A comunicación humana no blog LGALDBACH
Representación alfabética en braille
O himno galego na lingua de signos.
Cultura e linguaxe
Comunicación e funcións da linguaxe.
A comunicación humana no blog LGALDBACH
Representación alfabética en braille
O himno galego na lingua de signos.
Cultura e linguaxe
Comunicación e funcións da linguaxe.
domingo, 29 de setembro de 2019
mércores, 25 de setembro de 2019
O alumnado que non coñece CANTOS NA MARÉ, coñecerá.
Dúas das convidadas deste ano a CANTOS NA MARÉ.
MAYRA ANDRADE chegada desde Cabo Verde.
BIA FERRREIRA, representante este ano do Brasil.
Podes consultar o resto do cartel deste ano na páxina de CANTOS NA MARÉ.
luns, 23 de setembro de 2019
"O perigo de UNHA SOA HISTORIA"
É curioso como escoitando a historia desta escritora nixeriana calquera galego se pode sentir identificado. CHIMAMANDA NGOZI ADICHIE achéganos ós nosos estereotipos de todo tipo, lidos na literatura e aprendidos na cultura cinematográfica, moitas veces allea a nós, e que non nos reconforta porque non é aquela coa que podemos sentirnos identificados. Así mesmo, advírtenos dos perigos da tan a miúdo empregada simplificación sobre os distintos pobos e etnias do mundo.
E non sei moi ben por que, vénme a memoria aquela frase: " Todos al tren, gallegos también"
Fai o teu vídeo sobre as lecturas voluntarias.
Simplemente tes que achegar o teu vídeo no que comentes aspectos da novela que liches, sobre o argumento, os personaxes, o tempo, o espazo e o narrador. Engadindo sempre o teu xuízo persoal sobre o que che gustou ou non, para que a túa recomendación sexa de axuda ós posibles lectores e lectoras desa obra.
Aquí vos queda un exemplo dun dos máis famosos, o Coleccionista de Mundos, facendo unha recensión de "Made in Galiza" de Séchu Sende.
domingo, 22 de setembro de 2019
luns, 16 de setembro de 2019
"Cinco palabras para descubrir o mundo"
"O que arde" de Oliver Laxe chega ós nosos cines.
O que arde é unha película galega do 2019 dirixida por Oliver Laxe premiada no Festival Internacional de Cinema de Cannes, onde gañou o premio do Xurado. Chegará ás nosas carteleiras o día 11 de outubro.
mércores, 10 de xullo de 2019
xoves, 20 de xuño de 2019
martes, 18 de xuño de 2019
luns, 17 de xuño de 2019
Enquisas de convivencia e merendola
ENQUISA PARA TODO O ALUMNADO
https://docs.google.com/forms/d/1y-NFT2fl8-52m_VWP728I87NBCWZ9cfSYnFbJYI2fXg/viewform?chromeless=1&edit_requested=true 
ENQUISA SÓ PARA O ALUMNADO DE EQUIPOS DE AXUDA E TAMÉN MERENDOLA SORPRESA
xoves, 13 de xuño de 2019
"Heterofobia"
"Mundo ao contrario" é o título que ten na súa tradución ó portugués esta curtametraxe, na que se ficciona un mundo onde o normal é ser homosexual e ser heterosexual é unha aberración.
Esta é unha historia contada por unha rapaza que descobre a súa condición sexual e ten que loitar contra unha sociedade, chea de preconceptos sobre a sexualidade. Non atopa, por degraza, ningún apoio, nin nos seus amigos, nin no seu entorno familiar para superar todos estes prexuízos, que finalmente a destrúen.
luns, 10 de xuño de 2019
"Guapa", non te deixes controlar por ninguén.
"Todos teriamos que ser feministas"
Non é a primeira vez que traemos a este blog as palabras da escritora nixeriana Chimamanda Ngozi Adichie para falar de estereotipos, neste caso sobre os de xénero.
O seu libro, Todos teriamos que ser feministas, publicado agora en galego, resume a conferencia que podemos escoitar a continuación e fálanos con moito humor de todos aqueles micromachismos e machismos con palabras maiúsculas cos que ten que lidiar a muller do século XXI.
O seu libro, Todos teriamos que ser feministas, publicado agora en galego, resume a conferencia que podemos escoitar a continuación e fálanos con moito humor de todos aqueles micromachismos e machismos con palabras maiúsculas cos que ten que lidiar a muller do século XXI.
Fai o teu propio test machista con este vídeo.
Este vídeo, elaborado coa documentación do Ministerio de Traballo e Asuntos Socias en colaboración coa Fundación Mujeres na súa campaña de Par en Par, serve como test a todas esas condutas do día a día que forman parte da pirámide machista que remata na violencia contra as mulleres.
Trátase da campaña deste ano do SAAMA (Servizo de Apoio e Atención contra o Machismo). O vídeo aproveita as ilustracións do cómic de Neus Nebón (textos) e Tania Acuña (ilustracións) de par… en par, que foi publicado en 2006.
Clica aquí e obterás máis información.
"Cedeira"
“CEDEIRA”
Os egos da revolución visten roupa cinguida,
escalas en modo maior copan todos os shows.
Describen un mundo invisible partido por catro,
prometen que os demos e os anxos son da mesma cor.
Aquí o reduto é diverso, non hai etiquetas;
se cadra, diría Pedreira, o da xubilación,
poder deitarse e deixar que a vida te agache,
e nós en silencio escoitando este noso son.
Imos tan xuntiñas pola beira da canción,
prenden candeas,
rompen as ondas.
Imos devagar paseando en plural,
calma e serena que medre a area e o mar.
O norte equipara a beleza coa melancolía
o norte é poema en si mesmo, é perfume e canción.
Que poidas cantar ou lembrar esta suave habaneira,
na praia de Rinlo, en Cuba, ou mesmo en Cedeira.
Deixarse levar pola luz que desmonta as ideas,
tratar polo miúdo as cadeas, pensar que ser libre e ser máis.
Vivir asubiando amodiño a nosa habaneira,
deixarse levar pola luz que desmonta as ideas,
que poidas cantar ou lembrar esta suave habaneira....
venres, 31 de maio de 2019
martes, 21 de maio de 2019
"Ian" e "Binta e a gran idea"
Esta curtametraxe baseada na historia real dun neno arxentino de 10 anos con parálise cerebral, que afecta á súa mobilidade e a súa linguaxe, fálanos de inclusión.
Ó igual que o facía a película "Campións", que tamén está inspirada na historia do equipo de baloncesto Aderes Burjassot, formado por persoas con discapacidade intelectual e que gañou entre os anos 1999 e 2014 doce campionatos de España.
O discurso dun dos seus actores nos Goya deste ano, ó gañar o Goya ó mellor actor revelación, quedará gravado na nosa memoria para sempre como exemplo de superación persoal.
O discurso dun dos seus actores nos Goya deste ano, ó gañar o Goya ó mellor actor revelación, quedará gravado na nosa memoria para sempre como exemplo de superación persoal.
Outra curtametraxe do director de "Campións", Javier Fesser, é "Binta e a gran idea".
luns, 13 de maio de 2019
domingo, 5 de maio de 2019
xoves, 25 de abril de 2019
luns, 22 de abril de 2019
"Primavera"
Spring - Blender Open Movie from Blender Animation Studio on Vimeo.
Dúas curtas moi distintas para realizar unha actividade chamada MEMORIAS, na que se vos pide que escribades nunha folla unha situación que a miúdo recordes como algo que marcou a túa vida. Tamen hai a posibilidade de que sexa unha anécdota divertida ou vergoñenta, ou algo do que esteas moi orgullos@ e satisteit@.
A continuación faremos unha posta en común destas anécdotas.
A continuación faremos unha posta en común destas anécdotas.
xoves, 11 de abril de 2019
"Lingua proletaria" versus "Lingua propietaria"
Versión bilingüe e satírica do poema "Deitado frente ao mar...Lingua proletaria do meu pobo" de Celso Emilio Ferreiro das poetas AldaoLado (María Lado e Lucía Aldao).
Versión rapeira deste mesmo poema do grupo
DIOS KE TE CREW.
Versión d´OS DIPLOMÁTICOS DE MONTE ALTO, os representantes do rock bravú.
"Longa noite de pedra." Versións musicadas.
Versión musicada do poema de Celso Emilio Ferreiro polo grupo ASTAROT (Sexto traballo deste grupo publicado no 2005 co mesmo nome que o poemario)
Versión musicada polo grupo ARREDEMO do mesmo poema. (Adaptación do poema de Celso Emilio Ferreiro publicada polos Arredemo no seu "Nin sequera a choiva" do 2007)
luns, 1 de abril de 2019
"O circo das borboletas"
Esta curtametraxe esta protagonizada por Nick Vujicic, actor español que non posúe nin brazos, nin pernas. Esta curta sobre a superación, fainos ver que a pesar das dificultades todos somos capaces de sobrepoñernos a todo tipo de adversidades.
domingo, 31 de marzo de 2019
"Melancolía"
O grupo de rap galego Dios ke te Crew, que volveu aos escenarios recentemente tras varios anos lonxe dos escenarios, vén de estrear o seu videoclip Melancolía, que é o segundo vídeo-sinxelo de adiantto d' O ciclo da Serpe, o vindeiro Lp deste grupo.
Este vídeo foi gravado na Mariña, concretamente en Barreiros e Ribadeo. A rodaxe dirixiuna Xaime Miranda.
xoves, 28 de marzo de 2019
domingo, 24 de marzo de 2019
Sés no Sánchez Cantón
O vindeiro xoves, 28 de marzo, ás 17:30, virá ao Sánchez Cantón Sés. Vai ser entrevistada no paraninfo para o programa radiofónico "Cántamo en galego" de Onda Cero.
xoves, 21 de marzo de 2019
DEBATEremos sobre as novas manifestacións do fascismo.
ASÍ SON OS VOTANTES DE ULTRADEREITA
A postura a favor será a que comece o debate. As quendas de participación dos equipos durante os debates seguirán esta orde:
● AF (A favor) Exposición inicial: 5 minutos
● EC (En contra) Exposición inicial: 5 minutos
● AF Refutación: 5 minutos
● EC Refutación: 5 minutos
● AF Refutación: 5 minutos
● EC Refutación: 5 minutos.
● EC Conclusións: 3 minutos
● AF Conclusións: 3 minutos.
O tempo indicado é o máximo que se pode utilizar en cada intervención pero non será imprescindible esgotalo. A duración total máxima de cada debate será 36 minutos.
CRONÓMETRO EN LIÑA
A postura a favor será a que comece o debate. As quendas de participación dos equipos durante os debates seguirán esta orde:
● AF (A favor) Exposición inicial: 5 minutos
● EC (En contra) Exposición inicial: 5 minutos
● AF Refutación: 5 minutos
● EC Refutación: 5 minutos
● AF Refutación: 5 minutos
● EC Refutación: 5 minutos.
● EC Conclusións: 3 minutos
● AF Conclusións: 3 minutos.
O tempo indicado é o máximo que se pode utilizar en cada intervención pero non será imprescindible esgotalo. A duración total máxima de cada debate será 36 minutos.
Os membros do equipo de debate retrucante, oradores ou investigadores, poderán interpelar a persoa que estea no uso da palabra para facer preguntas, observacións ou comentarios. Para iso deberá erguer a man unicamente quen vaia preguntar e agardar a autorización da persoa que está intervindo, coa única excepción de precisar facer unha breve puntualización á resposta que o/a orador/a estea a dar á pregunta formulada previamente; de ser o caso o xurado valorará se é unha puntualización acaída e respectuosa co/a contrario/a ou se simplemente hai afán de interromper a persoa oradora. Estas interpelacións só poderán facerse nas quendas de refutación, non nas exposicións iniciais nin nas conclusións nin tampouco no último minuto da intervención do/a refutador/a, denominado “minuto protexido”. Cada interpelación non poderá durar máis de quince segundos. A persoa oradora–refutadora contará con liberdade para conceder a palabra e para responder ou non, malia que o xurado terá en conta tanto a oportunidade da pregunta como a xestión da resposta. O cronómetro non se parará, así que, tanto a interpelación como a resposta contarán como tempo de intervención do/a orador/a.
Durante as intervencións, os equipos poderán apoiar as súas exposicións co material que considerenacaído e que se axuste ás dispoñibilidades da sala, que serán comunicadas con antelación. O tempo utilizado no manexo deste material ilustrativo ou de apoio –presentacións, imaxes, gráficos, proxeccións, vídeos etc.- contará como tempo de intervención. O xurado valorará este apoio en función a súa pertinencia ou adecuación ao tema e ás teses que se defenden.
Asemade, as persoas oradoras poderán recibir apoio do resto do equipo en forma de notas que os compoñentes lles acheguen ao atril. Nin o xurado nin o público asistente poderá facilitar información aos equipos que estean intervindo durante o debate.
Imos ver algúns exemplos de club de debate para irmos organizando o noso.
martes, 19 de marzo de 2019
luns, 11 de marzo de 2019
nAmorando
nAmorAndo from el espejo mágico producciones on Vimeo.
Este microdocumental compila unha serie de mitos e crenzas, en ocasións erróneas, sobre o amor romántico e as relacións de parella en xeral. A importancia deste testemuño radica en que é o alumnado de 4º de ESO dos colexios públicos de Pontevedra no 2014 o que nos traslada as súas ideas sobre estes temas.
xoves, 7 de marzo de 2019
"Malaxente" e "Rexurdimente"
De Rosalía para ROSALÍA DE CASTRO.
A canción "Malamente" de Rosalía dá para moitas parodias aproveitables todas para os versos rosalianos e o noso Rexurdimento literario.
domingo, 24 de febreiro de 2019
domingo, 17 de febreiro de 2019
Concursos: RAG-PUNTO.GAL e COCA-COLA
Aínda estás á tempo de inscribirte na 11ª edición do Concurso Coca-Cola Novos Talentos de Relato Curto!
Fin do prazo de inscrición: 28 de febreiro
Proba escrita: 15 de marzo pola mañá
Aínda non te inscribiches na 11ª edición do Concurso Coca-Cola Novos Talentos de Relato Curto? Os centros escolares teñen ata o próximo 28 de febreiro para inscribir o seu alumnado para que participe no concurso. Se es profesora ou profesor de Lingua e Literatura cubre o formulario de inscrición do teu alumnado (lembra que son 2 por cada clase de 2.º de ESO) .
Para formalizar a inscrición no concurso é necesario que nos envíen por correo electrónico a folla de inscrición das dúas alumnas ou alumnos por clase seleccionados, xunto co seu DNI e o DNI da súa nai/pai ou titora/titor legal.
O enderezo de envío da documentación é: eecgrueiro@eu.ccip.com
xoves, 14 de febreiro de 2019
"A ponte de Brooklyn" por Luís Seoane
A PONTE DE BROOKLYN
Derradeiro terzo do século XIX (1870 -1883)
Necesitábanse pra traballar homes rexos
na ponte de Brooklyn. Con unha soldada
de sete dólares por dúas horas de carrexos
de entullos. Soio dúas horas cada xornada
no interior dunha campá de ferro, asentada
no fundo lamento do río, con ar comprimido
arredando entrase a iauga na cavada.
A ponte facía Brooklyn a Manhattan cinguido.
Pasábamos pola cámara de comprensión
denantes de entrar na campá de ferro, vaseira
onde despechaban as chaves do ar. Centilación
que facía doer os ouvidos naquela rateira,
que tapábamos pra que non estoupasen coa estraleira,
coma a moitos aconteceulles e coa presión do ar.
A campá era enorme, nescesaria coma buqueira
pra poder os cimentos do ponte de Brooklyn escavar.
Traballábamos silenzosos, espidos deica os cos
coas pas, as eixadas e coas picarañas, amuados,
gotexando suor, escorrendo na lama, nos terrós,
caíndonos na iauga xiada do río, enlameirados.
A door facíanos estoura-las testas, mais esmacelados
axuntábamos moreas de terra, de area, de pedras.
Folgábamos cada dez minutos, e voltábamos ousados
ao traballo pra ponte de Brooklyn, sen arredras.
Podíamos ficar pra sempre tolleitos e tamén morrer
coma aconteceulle no noso equipo ao compañeiro
escocés Kirkland sin que o poidésemos acorrer.
Foi cando saíu depresa ó deixar a campá dianteiro.
Caíu logo no chan. Estoreceuse nun marterio,
engruñouse, rebulindo corpo, pernas e brazos,
alagándose en escumas e sangue. O extranxeiro
deixou na ponte de Brooklyn os derradeiros azos.
Resistín ese traballo vinte xornadas,
dúas horas cada día na campá encerrado.
Perdín o ouvido nos vinte días. Aosadas
ganei cento-corenta-dólares. Deixeino traballado
pola febre, polas doores, xordo, escuallado.
Alguén dixo: ¡Ouh, cantos rexos emigrantes sofridos
fican pra sempre baixo as correntes deste río marelado,
pola grande ponte de Brooklyn, orgulo dos Estadoss Unidos!
Esta ponte de aceiro enlevado sobor de Nova York,
ten millas de roscas, de parafusos, de aceiros.
Érguese sobor do xiado East River esta maior
ponte, din, do mundo, construído por extranxeiros
emigrantes de Europa. Algús galegos senlleiros
traballamos nel. Un traballo, decían, ben pagado.
Cento-corenta-dólares. Por uns días fumos buceiros
pra ponte de Brooklyn feito sobor do río abafado.
Un traballo que ninguén resistía un mes,
moi ben pagado, disque, sete dólares a cotío,
unha grande soldada, sete dólares por ves,
se acadábamos esquiva-la convulsión, o arrepío
producido pola falta de ar, polo noxío
que podía facernos inúteles pra toda a vida.
¡Era un grande traballo o traballo doentío
da ponte de Brooklyn, baixo a campá descida!
LUÍS SEOANE, Fardel de eisilado, 1952
Subscribirse a:
Publicacións (Atom)