A MARALEIXA (Blog persoal de Salo Eu sobre recursos educativos, lingua e literatura galegas.)
mércores, 17 de febreiro de 2021
venres, 5 de febreiro de 2021
INTERROGATIVAS TOTAIS OU PARCIAIS
A diferenza entre as interrogativas totais e parciais, é que nas primeiras a resposta é si ou non, mentres que nas segundas agárdase unha explicación máis ampla.
As interrogativas totais fórmanse normalmente invertindo a orde de suxeito e verbo (Veu Antón?). Se queremos enfatizala pode engadirse unha partícula interrogativa final (Veu Antón ou non?).
Nas interrogativas parciais, a partícula interrogativa colócase ao principio da oración (Cando veu Antón?, Como veu Antón?, Onde está Antón?, Quen é Antón?, Que di Antón?, etc.).
Cando se deduce a resposta, sexa negativa ou positiva, pode anticiparse cunha partícula interrogativa final (Veu Antón, non si?, se espera unha resposta positiva; Non veu Antón, a que non?, si espera unha resposta negativa). As respostas positivas exprésanse en xeral repetindo o verbo, reforzado en ocasiones co adverbio si: -Veu Antón? –Veu; -Fostes á festa? –Fomos, si. Para as respostas negativas, úsase o adverbio non.
A negación exprésase habitualmente poñendo o adverbio non antes do verbo: Carme non dixo nada interesante. Como se pode observar, en galego existe a “dobre negación”.
luns, 1 de febreiro de 2021
Subscribirse a:
Publicacións (Atom)