mércores, 16 de xaneiro de 2019

Historia da lingua galega de Pepe Carreiro


"Eroski paraíso"

 

Este sábado 19 en Pontevedra, ás 20:30h no Teatro Afundación  terá lugar a representación da obra: "Eroski paraíso" da compañía teatral Chévere, esta é a primeira produción da compañía despois de recibir o Premio Nacional de Teatro.



Nestas ligazóns podes consultar exemplos de recesións teatrais escolares: "Bobas e galegas", "Get Back"

luns, 14 de xaneiro de 2019

A ESCOITA ACTIVA



Exemplo de "escoita activa" nesta escena da película "Do revés"




Exemplo de "escoita non activa" en "Barrio Sésamo"

xoves, 10 de xaneiro de 2019

Relacións semánticas



As cen palabras en galego para designar a CHOIVA

O galego ten moitas palabras para designar a choiva... ou a chuvia.Le esta ligazón de Galicia Ciencia.Para resumir aquí están 61 palabras galegas distintas para denominar a choiva. E outras dezaseis máis relacionadas co mesmo concepto:

  • Para chuvia feble: Babuña, Babuxa, Barbaña, Barbuza, Barrallo, Barrufa, Barruñeira, Barruzo, Borralla, Breca, Chuvisca, Chuviscada, Chuviñada, Froallo, Lapiñeira, Marmaña, Orballo, Parruma, Parrumada, Patiñeira, Patumeira, Poalla, Poallada, Poalleira, Poallo, Zarzallo…  
  • Para chuvia forte: Arroiada, Ballón, Basto, Bátega, Bategada, Cebra, Cebrina, Chaparrada, Chuvascada, Chuvasco, Chuvieira, Cifra, Ciobra, Dioivo, Treixada, Xistra, Zarracina… 
  • Cando hai raios e tronos: Treboada, Torboada, Torbón, Trebón… 
  • Se vén con neve e xeo: Auganeve, Cebrina, Cebrisca, Escarabana, Nevada, Nevarada, Nevareira, Nevarío, Nevisca, Nevarisca, Pedrazo, Salabreada, Sarabiada, Torba… 
  • Cando remata de chover: Amizar, Delampar, Escambrar, Escampar, Estear, Estiñar, Estrelampar… 
  • E cando hai condensación de auga: Borraxeira, Borraxoia, Brétema, Cegoña, Fuscallo, Néboa, Neboeiro, Nebra, Zarrazina…

"Contos de xénero"




Achegamos outro interesante recurso máis para traballar os estereotipos de xénero. As personaxes son: a muller (María), o home (Xosé) e a sociedade, os cales  representan unha pequena trama, onde aparecerán outros secundarios. 

Esta pequena historia sérvenos para repensar, unha vez máis, os roles que a sociedade escribe para os distintos xéneros, creando unhas ideas preconcebidas que se reproducen, unha e outra vez, nos distintos medios de comunicación.

Para afondar máis podemos ler este artigo: "O mito da beleza e a domesticación das nenas"