PALABRAS BAÚL, COMODÍN OU TAMÉN CHAMADAS ÓMNIBUS

Le o seguinte artigo titulado "Palabras ómnibus" do xornalista Francisco Ríos.

As PALABRAS BAÚL ou COMODÍN son termos xenéricos que se empregan en lugar doutros máis precisos. Para acadar a PRECISIÓN LÉXICA  é importante fuxir delas, porque son utilizadas con sentidos tan distintos, que acaban por non significar nada concreto.

Por exemplo: os substantivos “cousa”, “tema”, "chisme", "problemática" e verbos como “facer”, “dicir”, “dar”, “haber”, “ter” forman parte desta listaxe, en certo sentido negra.  A idea é que empreguemos as palabras dunha maneira precisa e adecuada ó contexto lingüístico,o que se se chama ADECUACIÓN LÉXICA. 

Nos textos que elaboremos para as PAU debemos fuxir delas, ademais de evitar os castelanismos, os coloquialismos e os anglicismos, temos que procurar, en todo momento, unha variedade estándar ou culta. 

LIGAZÓN Ó EXAME ABAU DE PALABRAS COMODÍN. (XULLO 2023)

OS CONECTORES TEXTUAIS

CONECTORES TEXTUAIS 

Os conectores son elementos que permiten relacionar parágrafos entre si e teñen distintos valores semánticos.

1. Comparativos: céntranse nalgún xénero de semellanza: Do mesmo modo|xeito, da mesma maneira; igualmente; analogamente; paralelamente; ao mesmo tempo; asemade; tamén.

 2. Aditivos: adicionan novos conceptos ou ideas. E; ademais; tamén; alén d(iso); aínda máis; por riba; por máis; inclusive; até.

 3. Opositivas: ideas contrastadas A pesar de (todo); aínda así; mesmo así; aínda así; ora ben; de calquera maneira|forma|xeito; mais; pero; porén;  non obstante; en certo modo; por outro lado; doutra banda; se ben; até (un) certo punto; outramente; pola contra; á diferenza de.

 4. Causativos-consecutivos: expresión de causa ou consecuencia. Entón; daquela; en consecuencia; consecuentemente; xa que logo; por tanto; por iso; por ese motivo; por esa razón; por tanto; daquela; porque; pois (que). 

 5. Reiterativos, explicativos ou enfáticos: Certamente; vale a pena subliñar; convén incidir|insistir; convén|cómpre non esquecer; convén| cómpre ter presente; convén|cómpre salientar; sobre todo; principalmente; especialmente; convén|cómpre asinalar; 

 6. Exemplificadores: para ilustrar ideas ou conceptos expresados anteriormente. Por exemplo; así; proba diso; noutras palabras; dito doutro xeito|doutra maneira;

 7. Iniciais: Para comezar(mos); en primeiro lugar; primeiro; inicialmente. 

 8. Disgresional: A propósito**; convén|cómpre distinguir. 

 9. Temporais: Despois; logo; a seguir; tal e como xa foi dito; como xa se indicou. 

 10. Feche do discurso: Por último; en definitiva; en suma; finalmente; en resumo; para concluír(mos);

LIGAZÓN Á PREGUNTA DE CONECTORES NAS ABAU.