MULLERES NO TEATRO

LIGAZÓN Ó CALENDARIO DA MULLER DO STG 2025 COMPLETO

 ACTIVIDADES PROPOSTAS POLO CALENDARIO DA MULLER DO STG

MULLERES GALEGAS

DÍA DAS ESCRITORAS 2024

 Textos para o DÍA DAS ESCRITORAS 2024

                    Gabriele Münter

LETRAS GALEGAS 2025

A Real Academia Galega (RAG) personifica a homenaxe en Adolfina e Rosa Casás Rama (Cerceda), Eva Castiñeira (Muxía) e as Pandeireteiras de Mens, de Malpica de Bergantiños, que son Prudencia Garrido, Asunción Garrido e Manuela Lema.

“A lingua galega continuou viva e vizosa durante séculos, malia as prohibicións e a súa desaparición do espazo oficial, porque o pobo galego a custodiou. En particular, as mulleres preservaron a lingua e crearon anonimamente unha poesía popular transmitida nas cantigas das avoas ás netas, das nais ás fillas, dunhas veciñas a outras”, salienta a proposta aprobada.

Nela enlázase a celebración vindeira coa deste ano a través dun verso de Luísa Villalta que sintetiza ese herdo transmitido dunha xeración á outra:

“As coplas aprendidas na saia da avoa”.

As nosas avoas e tataravoas foron as que durante séculos conservaron a nosa literatura oral durante os Séculos Escuros, xa o Padre Sarmiento no século XVIII apuntaba a importancia das nosas mulleres como transmisoras da nosa literatura popular. Este ano farémoslles a todas a súa merecida homenaxe.

IRMÁS NA FALA Capítulo 1: Galeguistas organizadas. Micaela Chao Maciñeira

'Irmás na Fala' é unha serie web de catro episodios sobre o papel das mulleres nas Irmandades Fala, o movemento fundado na Coruña no ano 1916 que abriu un novo tempo para a defensa da lingua galega e de Galicia como suxeito político.

A través de catro episodios que suman uns 90 minutos de cinema documental, 'Irmás na Fala' pretende contribuír ao coñecemento e recoñecemento das 'irmandiñas' que abriron camiños de futuro para todas, poñendo o foco nas historias de Micaela Chao Maciñeira, María Miramontes, Elvira Bao, Amparo López Jeán e Emilia Docet.

'Irmás na Fala' é unha serie producida pola Real Academia Galega co apoio do Concello da Coruña e realizada por Nós TV.

XOGOS INTERACTIVOS sobre A MEMORIA DAS MULLERES

• ‘Coñeces a…’ Aventúrate neste xogo para coñecer as protagonistas da historia da nosa cidade! É hora de pórlles rostro e escoitar os nomes das mulleres pioneiras, traballadoras e loitadoras de Pontevedra.

• ‘Aloita’ Pacíficas, servís, domésticas e individualistas. Esa era a imaxe que o franquismo tentou difundir das mulleres rurais. Nada máis lonxe da realidade. Con este xogo descubrirás algunhas da loitas encabezadas por mulleres no concello de Pontevedra.

• ‘Mulleres con R’ Séculos de cultura patriarcal definiron o arquetipo feminino, caracterizado pola submisión, a docilidade, o silencio, a fidelidade e a pasividade. Con este xogo descubrirás mulleres de Pontevedra que desafiaron os canons e fixeron das súas vidas actos de Rebeldía, Resistencia ou Reivindicación.

• ‘As Corseteiras’ Cando se instaurou a II República? En que ano finalizou a Guerra Civil? Como se viviron estes acontecementos en Pontevedra? Preme en “comezar” para coñecer a resposta a todas estas preguntas, para afondar na vida das Corseteiras e para saber que relación hai entre estes temas.

        Máis recursos da MEMORIA DAS MULLERES

"Cousiñas de muller"

Vídeo realizado para a Unidade de Igualdade da Universidade de Vigo  no Día Mundial da Muller e a Nena na Ciencia. 

Este vídeo denuncia o que Margaret W. Rossiter cualifica como “Efecto Matilda”: canto máis brillante é o traballo científico dunha muller, máis se agocha e despreza.

Rosa Motero publicou hai poucos días unha interesante columna no xornal, El país, explicando como Einstein obrigou a asinar un contrato humillante a súa primeira muller Mileva Maric para borrar as pegadas desta matemática e física serbia nos descubrimentos do Nobel.

"Supervenus"

nAmorando

nAmorAndo from el espejo mágico producciones on Vimeo.

Este microdocumental compila unha serie de mitos e crenzas, en ocasións  erróneas, sobre o amor romántico e as relacións de parella en xeral. A importancia deste testemuño radica en que é o alumnado de 4º de ESO dos colexios públicos de Pontevedra no 2014 o que nos traslada as súas ideas sobre estes temas.

"Contos de xénero"

Achegamos outro interesante recurso máis para traballar os estereotipos de xénero. As personaxes son: a muller (María), o home (Xosé) e a sociedade, os cales  representan unha pequena trama, onde aparecerán outros secundarios. 

Esta pequena historia sérvenos para repensar, unha vez máis, os roles que a sociedade escribe para os distintos xéneros, creando unhas ideas preconcebidas que se reproducen, unha e outra vez, nos distintos medios de comunicación.

Para afondar máis podemos ler este artigo: "O mito da beleza e a domesticación das nenas"

"O maltrato sutil" e "Namorando"

nAmorAndo from el espejo mágico producciones on Vimeo.

Consello da Muller Nova no IES Sánchez Cantón

Invitación á primeira reunión do curso 18/19 o mércores, día 10 de outubro, na aula de 1º CSEASD no S-2.

"Negociar sexo por vida. Sexo sen consentimento é violación"

Ademais de escoitar o vídeo da socióloga e psicóloga social, Inés Hercoivich, paga pena ler aquí o artigo da xornalista Teresa Domínguez que se basea nel.

Documentais sobre o narcotráfico en Galicia

Cales son as drogas adictivas máis perigosas?

A raíz do secuestro do libro Fariña e a estrea da serie inspirada nel, temo volverme a atopar entre o meu alumnado esa admiración cara ós narcos,  que fai que entre as súas aspiración futuras figure "narcotraficante e que non me collan"

De aí que esteamos traballando a cara b desta historia recente, a través de distintos documentanis e películas, como Heroína, inspirada na vida de Carmen Avendaño.

Reflexionaremos tamén sobre como tivo que ser unha muller e unha asociación, onde as  nais foron as que lle plantaron cara a un problema social que ninguén sabía como abordar naquel entón. Lembremos como noutras ocasións ó logo da historia, son sempre nais,  como as da Praza de Maio en Arxentina, as que son capaces de concienciar ó seu entorno social para xerar cambios que procuren sociedades máis xustas. 

NON Ó EXILIO DOMÉSTICO! "A muller no mundo laboral"

"Principiñas e princesiños"

Principiñas e Princesiños from el espejo mágico producciones on Vimeo.

O programa nAmorAndo financiado polo concello de Pontevedra traballou na identificación e expresión das emocións dos nenos e rapaces, na procura de tentar romper con estereotipos sexistas e reflexionar sobre os tópicos do amor romántico.

Se xa vimos o vídeo realizado cos testemuños dos rapaces de 4º de ESO, agora veremos "Principiñas e Princesiños",  que recompila as mensaxes do alumnado de 4º de Primaria dos colexios públicos de Pontevedra.

Trátase dun proxecto de  Jone Ojeda (joneojedapsicologa.es) O vídeo foi realizado por el espejo mágico producciones (espejomagicoproducciones.com). Imaxe, edición e realización: Juan Carlos Pérez Ilustracións: Tania Solla Animación: Jose Aragunde. 

Para seguir a afondar no estereotipo feminino é interesante tamén o seguinte artigo: "Non son bonita, son forte: o movemento contra os estereotipos das mulleres"

"Matriarcas" e "A dama e o cabaleiro"

Estes días estamos a traballar en 2º de ESO o tema da poesía e da muller desde múltiples perpectivas."MATRIARCAS", a letra  da canción  de Guadi Galego e a versión musicada do poema: "A DAMA E O CABALEIRO" de Álvaro Cunqueiro musicado polo cantautor Amancio Prada serven para achegarnos a esta temática.

Concepción Arenal

CONCEPCIÓN ARENAL, A VISITADORA DE CÁRCERES é unha película do 2012 baseada na biografía desta ilustre ferrolá.

"Felices para sempre"

 Outros vídeos deste proxecto   namorAndo son "Principiñas e princesiños"